برنامج تجريبي في القاهرة الكبرى
سيب الأوردر في الكشك اللي تحت بيتك.
العميل بيستلمه من الكشك اللي جنبه في الوقت اللي يناسبه، ويدفع هناك. وفلوس التحصيل بتوصلك في نفس اليوم على إنستاباي أو المحفظة.
- من
- كشك 14، مدينة نصر
- إلى
- كشك 31، المعادي
- تحصيل
- 300 جنيه
رحلة طرد واحد
مثال: فستان من متجر على إنستجرام في مدينة نصر، رايح لعميلة في المعادي.
- التاجرة تسيب الطرد
في الكشك اللي تحت بيتها. صاحب الكشك بيعمل سكان للملصق.
- المندوب ياخده
مع 7 طرود تانية رايحة نفس المنطقة، في مشوار واحد.
- يوصل الكشك التاني
جنب محطة المترو في المعادي، والعميلة يوصلها SMS بالكود.
- العميلة تستلم
وهي راجعة من الشغل. تقول الكود، وتدفع 300 جنيه.
- الفلوس توصل للتاجرة
على إنستاباي، في نفس اليوم.
للتجار والبراندات الأونلاين
بتشحن من 3 لـ 30 أوردر في اليوم؟
بنختار عدد محدود من المتاجر في القاهرة يجربوا الخدمة قبل ما نطلق رسمي. ملاحظاتك هتشكّل المنتج.
أسعار البرنامج التجريبي
الأسعار دي للمرحلة التجريبية بس، وممكن تتغير بعد الإطلاق.
- مش هتستنى مندوب. انزل سيب الأوردر في المحل اللي جنبك في أي وقت يناسبك.
- فلوسك في نفس اليوم. أول ما العميل يدفع في المحل، المبلغ بيتحول لك.
- مرتجع أقل. العميل اللي مش في البيت، الطرد بيستناه في المحل بدل ما يرجع.
لو وصلتك رسالة من خطوة
طردك مستنيك في محل قريب منك.
مش محتاج تفضل في البيت مستني المندوب. عدّي على المحل في الوقت اللي يناسبك، قول الكود، ادفع، واستلم.
- أستلم إزاي؟
- روح المحل المكتوب في الرسالة وقول لصاحبه كود الاستلام، وهو 4 أرقام. بيتأكد منه ويسلّمك الطرد، وتدفع هناك كاش أو محفظة.
- ينفع حد تاني يستلم بدالي؟
- أيوه. ابعتله الكود، وأي حد معاه الكود يقدر يستلم.
- مش هعرف أروح. ينفع يوصلني البيت؟
- أيوه، التوصيل للبيت متاح كخدمة إضافية من المحل القريب منك. ولو الطرد فضل كام ساعة من غير استلام، هنبعتلك رسالة تختار فيها التوصيل.
- ينفع أفتح الطرد قبل ما أدفع؟
- أيوه، برسوم بسيطة. بتفتحه وتتأكد منه قدام صاحب المحل.
- المحل فاتح لحد إمتى؟
- مواعيد المحل مكتوبة في الرسالة. أغلب المحلات الشريكة فاتحة لبالليل.
- الطرد بيفضل في المحل لحد إمتى؟
- 5 أيام. بعدها بيرجع للتاجر.
لأصحاب الأكشاك والسوبر ماركت والمحلات
رف صغير في محلك، ودخل زيادة كل شهر.
بتستلم طرود صغيرة وتسلّمها بكود، وبتاخد عمولة على كل طرد. وكل عميل بيعدّي يستلم، ممكن يشتري من عندك.
عمولتك
مثال: لو سلّمت 30 طرد في اليوم، ده حوالي 4,500 جنيه في الشهر.
- 20 ثانية لكل عملية. سكان للملصق، والتأكد من كود العميل، من الموبايل.
- مش هتشيل فلوس كتير. فلوس التحصيل بتتسلم أو تتحول كل يوم.
للمناديب أصحاب الموتوسيكلات والسكوترات
مشوار واحد بين محلين، بدل عشر شقق وسلالم.
بتستلم دفعة طرود من محل واحد وتسلّمها لمحل واحد في منطقة تانية. مفيش تدوير على عناوين، ومفيش استنى على باب.
حسابك
المشاوير على نفس الطريق كل يوم، في مواعيد ثابتة.